qarmaqshy-tany.kz Аудан әкімі Жандос Еркінбек тұрғындарды қолжетімді медициналық көмекпен қамтамасыз ету мақсатында аудандық орталық ауруханада ашылған компьютерлік томография кабинетінің ашылу салтанатына қатысты.

Аудан басшысы алғы сөзінде медицина қызметкерлеріне жан-жақты қолдау көрсетіп, денсаулық сақтау саласын дамытуды басты назарда ұстайтынын айтты. Сондай-ақ, Ұлт саулығы – мемлекеттік саясаттың аса маңызды бағыттарының бірі екендігін жеткізе келе халық денсаулығын сақтау жолында еңбек етіп жүрген ақ халатты абзал жандарға алғысын білдірді.

Аудан ардагерлері де көпшілік үшін қуанышты жаңалықтың куәгері болып, аудан әкімімен бірге томография кабинетінің лентасын қиып, құрылғының жұмыс жасау барысын тамашалады.

Осы уақытқа дейін аудан тұрғындары томография қызметін алу үшін облыс орталығына баратын болса, бүгіннен бастап аудандық орталық ауруханаға жүгінетін болады.