qarmaqshy-tany.kz Кәмелетке толмағандардың істері,олардың құқықтарын қорғау жөніндегі дөңгелек үстел Ү.К.Томанов атындағы N183 орта мектебінде "Құқық пен жасөспірім" тақырыбында өтті. Оған Жосалы кент әкімі аппаратының ұйымдастыру және мемлекеттік құқықтық жұмыстар бөлімінің басшысы Махамбетов Нұрымжан, аудандық білім бөлімінің әдіскері Тоқшылықова Ақтолқын, ӘЗЗҚ тобының инспекторы, капитан Қасымова Айнұр, Қармақшы аудандық емханасының және ЖДО-ң психологы Әмина Кетебаева, салауатты өмір салтын қалыптастыру кабинетінің маманы Құлмырзаева Дариха, мектеп директоры Әшірова Гүлнара, мектеп директорының тәрбие ісі жөніндегі орынбасары Жақпанова Гүлмира, мектеп психологы Бүркітбаева Гүлнар, 9-10 сынып жетекшілері және оқушылары қатысты. Келген сала мамандары тақырып төңірегінде түсіндірме жұмыстарын жүргізді. Бейнероликтер мен слайдтар көрсетіліп, бүктемелер таратылды. Оқушыларды сергіту, бір-біріне деген сыйластығын арттыру, ауызбіршілікпен ұжымдық жұмыс жасау мақсатында "Жұмсақ шеңбер" жаттығуы жасалды. Оқушылар өз ойларындағы сұрақтарын қойып, біраз мағлұматтар алды.