ТҰРМАҒАМБЕТ АУЫЛЫНДА ОЙЫН АЛАҢЫ САЛЫНУДА
«100 шайырдың Отаны» атанған киелі Тұрмағамбет ауылының 1991 жылы туған түлектері мектеп бітіргендеріне 10 жыл толуына орай туған жерге деген құрметін, ілтипатын паш етті. Олар Елбасының «Болашаққа бағдар: рухани жаңғыру» мақаласы аясында өмірге келген «Туған жер» кіші бағдарламасын жүзеге асыру мақсатында өз күштерімен ауыл орталығынан балаларға арналған ойын алаңын салуда. Ойын алаңында түрлі әткеншектер мен сырғанақтар, демалыс сәкілері мен түрлі тренажерлар бар.
Үлкенге ізет, кішіге қамқор болып ауылдың мерейін тасытып, ауыл бүлдіршіндерін шат-шадыманға бөлейтін игі істі тұрғындар қолдауда.
Ойын алаңын 25 мамырда пайдалануға береміз, – дейді игі шараны ұйымдастырушылар.
