Түнгі рейд жұмыстары жүргізілді

qarmaqshy-tany.kz Жосалы кентінде "QADAM" Жастар ресурстық орталығының мамандары және Аудандық ішкі істер бөлімінің қызметкерлермен бірлесіп "Балалар түнгі қалада" түнгі рейд жұмыстарын жүргізді.

Рейд жұмыстарында Жосалы кенті орталығындағы ойын-сауық орталығы, компьютерлік клуб иелеріне сағат 22:00-ден кейін ойын-сауық орындарына жасы кәмелетке толмағандардың болуына тыйым салынғанына түсіндірме жұмыстарын жүргізді. Сонымен қатар, дүкен иелеріне де кәмелеттік жасқа толмаған жасөспірімдерге мүлдем темекі бұйымдарымен спирттік ішімдіктерді сатуға болмайтындығы жайында айтылып ескертілді.