"Әскери - патриоттық" апталық жоспары

qarmaqshy-tany.kz С.Есқараев атындағы №27 орта мектебінде 13 - 17 ақпан аралығында ұйымдастырылған "Әскери - патриоттық" апталық жоспарына орай АӘД пәнінің мұғалімі Б.Әлиякбаров 8 - 9 сынып оқушылары арасында "Генералдың соқпағы" тақырыбымен сайыс өткізді. Сайыс 4 кезеңнен тұрды. Қатысушы оқушылар кезең тапсырмаларына сәйкес автоматты бөлшектеп, қайта жинақтау, оқжатарды жарақтау, түйме қадау мен картоп аршу, әскерден хат жазу, жерден кеудені көтеру, газтұмылдырық кию, қол күрес және сұрақ - жауап бойынша бақ сынасты. Сайыс қорытындысымен "Генерал" атағын 8 сынып оқушысы М.Темірбаев жеңіп алды. Сайыс оқушыларды темірдей қатты әскери тәртіпке үйретуде маңызы зор шара болды. Сайысқа қатысушы оқушыларды қолдау мақсатында оқушылардың әкелері шақырылып, олар өз балаларының өнерлерін тамашалап, өтіліп жатырған шараға қолдау жасап, қызығушылық танытты. Жұмыс соңында қонаққа келген әкелер оқушыларға алғыстарын білдіріп, баталарын берді.