Оқушылар арасында сайыс болып өтті

qarmaqshy-tany.kz С.Есқараев атындағы №27 орта мектебінде «Болашақ» мектеп парламентінің «Еңбек және ерте жастан басталатын экологиялық мәдениет» фракциясының жетекшісі 10 сынып оқушысы А.Аманқосованың ұйымдастыруымен «Табиғат – сенің өз үйің» тақырыбымен 5 – 6 сынып оқушылары арасында сайыс болып өтті. Сайыс барысында оқушыларға ел экологиясы жайлы түрлі сұрақтар қойылып, еліміздің экологиялық жағдайлары туралы мағлұматтармен пікір алмасу жүргізілді. Оқушыларға тақырып көлемінде бейнефильмдер көрсетіліп, экологиялық жағдайларды болдырмау жөніндегі пікірлері тыңдалды. Оқушылар топтарға бөлініп, тақырып көлемінде постер қорғап, экологиялық проблемаларды жеңу жолдарын ұсынып, нақты дәлелдемелер келтірді. Сайыс өте қызықты өтті, сайыс қорытындысында 5 сынып оқушылары жеңіске жетті.