Руханият ордасында тағылымды кеш

qarmaqshy-tany.kz Бүгін аудандық кітапхана коворкингінде кітапхана қызметкерлері, оқырмандар, мәдениет және спорт қызметкерлері арасында ұлттық құндылықтарды сақтау, дәріптеу, ұлттық тәрбиені сіңіріп, ұлттық сал-дәстүрлерді жаңғырту, жат діни ағымдардың алдын алу мақсатында «Ұлттық құндылықтар-ұлт қазынасы» тақырыбында дөңгелек үстел өткізілді. Рухани кешке Қармақшы аудандық ардагерлер кеңесінің төрағасы А.Мереков, ақын, ұстаз Д.Нәзікбаев, қоғамдық даму бөлімінің бас маманы Н.Наурызбаева, «Ораз ахун» мешітінің имамы А.Қали, мәдениет және спорт бөлімінің сектор меңгерушісі Н.Мырзабаев,орталықтандырылған кітапханалар жүйесінің директоры Ш.Қаниева, кітапхананың тұрақты оқырманы, ардагер М.Үсенов, мәдениет және спорт саласының қызметкерлері қатысты. Кездесу барысында кітапханашы Н.Жүсіпбекова ұлттық салт-дәстүр, діни кітаптарға шолу жасап, қонақтардың назарына ұсынды. Сонымен бірге қатысушылар құнды ойларымен пікір алмасып, тәрбие, дін, тіл, ұлттық құндылықтар,халқымыздың әдет-ғұрыпы бойынша келелі ойларымен бөлісті.