Премьер-министр Әлихан Смайылов Еуразиялық экономикалық одақ (ЕАЭО) аясында электрондық көлік құжаттын енгізуге шақырды. Бұл –логистикалық компаниялар үшін өте қолайлы жағдай жасауға таптырмас мүмкіндік, - деді Үкімет басшысы. Оның пікірінше, мұндай тәжірибені ЕАЭО аумағында енгізуге мүмкіндік бар. Атап айтқанда, барлық шетелдік рұқсат бланктерін электрондық форматқа ауыстыруға болады. Бұл бастама Digital Almaty V форумында айтылды. Іс-шараға Армения, Беларусь, Қырғызстан, Өзбекстан мен Ресейдің Үкімет басшылары қатысты. Әлихан Смайылов, ҚР Премьер-Министрі: - Қағазбастылықты алып тастау сыбайлас жемқорлық тәуекелдерін азайтады, өзара сауданың ашықтығын арттырады және, ең бастысы, бизнеске өз шығындарын оңтайландыруға мүмкіндік береді.

24.kz