«Кәсіби бағдар беру мақсатындағы жұмыстарды талқылау»
qarmaqshy-tany.kz Қармақшы аграрлы-техникалық колледж базасында «Кәсіби бағдар беру мақсатындағы жұмыстарды талқылау» тақырыбында Жосалы кенті бойынша жеті мектептің директордың бейінді бағдарлы орынбасарының қатысуымен кездесу өткізілді.
Колледждегі кәсіби бағдар беру жұмысының негізгі мақсаты аудан мектептерінде үздіксіз және мақсатты түрде кәсіби бағдар беру жұмысын қамтамасыз ету. Кездесу барысында колледж директоры Б.Сайдулла колледждегі оқытылатын мамандықтарды насихаттай отырып, жаңадан ашылған екі жетекші «Ветеринария » және «Теник технолог» мамандықтарының ерекшеліктері туралы түсіндірді. Сонымен қатар колледждің оқу материалдық-техникалық базасымен және жас маман жобасымен алынған құралдармен таныстырып өтті. Мектеп директорының бейінді бағдарлы орынбасарлары кездесуде нәтижеге бағытталған ұсыныс пікірлерін білдірді.
Алдағы уақыттада кәсіби бағдар беру жұмыстарын жандандырып,мектеп пен колледж арасындағы ынтымақтастық байланысты нығайту мақсатында бірігіп жұмыс жасауға шақырды. Кездесу өз мәресіне жетті.
