qarmaqshy-tany.kz Аудан көлемінде кәсіпкерлердің құқықтарын қорғау мақсатында аудандық прокуратураның бастамасымен құрылған мобильді топ жұмыс жасайды.

Мобилді топтың жұмыс бағыты:

- кәсіпкерлердің құқықтарын қорғау;

- заңсыз тексерулерді болдырмау;

- бизнесті қолдау;

- ұзақ мерзімде шешімін таппай жүрген мәселелердің заң тұрғысынан шешілуіне ықпал жасау;

- кәсіпкерлерге құқықтық түсіндірме жұмыстарын жүргізу, бағыт-бағдар беру;

- бизнес субъектілерінің құқықтары мен заңды мүдделерінің бұзылуы және кәсіпкерлік қызметке кедергі жасау туралы хабарламаларға жедел жауап беріп, орын алған заңдылықты бұзушылықтарды жоюға шаралар қолдану.

Кәсіпкерлермен кездесу және оларды жеке қабылдау жоспары жасақталып, ол алдын ала тиісті ақпарат құралдары арқылы хабарланып отыратын болады.

Құрметті кәсіпкер, Сіз заңсыз тексеру немесе мемлекеттік органдар тарапынан кәсіпкерлердің құқықтарын бұзу, заңсыз кедергілер келтіру фактілері бойынша Қармақшы аудандық прокуратурасына (тел: (код-72437) 2-19-31, 2-19-78, 2-20-54) немесе төмендегі мобильді топ мүшелерінің телефондарына хабарласа аласыз.