Бүгін қазақтың біртуар тұлғасы Дінмұхамед Ахметұлы Қонаевтың туған күні

Дінмұхамед Ахметұлы 1912—1993 жылдары өмір сүрген аса көрнекті мемлекет және қоғам қайраткері, үш мәрте Социалистік Еңбек Ері, Қазақ КСР Ғылым академиясының академигі, техника ғылымының докторы.

Ол 1955-60 және 1962-64 жылдары Қазақ КСР Жоғарғы Кеңесінің төрағасы, 1960-62 және 1964-86 жылдары Қазақстан коммунистік партиясының Орталық комитетінің бірінші хатшысы болды.

Дінмұхамед Қонаев өз заманының ұлы саясаткері бола білді. Билік басында болған уақыт қаншалықты күрделі, қарама қайшылықты болғанымен, елдің экономикасын, әлеуметтік саласын, ғылымын, ұлттық мәдениетін дамыту ісіне айтулы еңбек сіңірді.