«Жылдың үздік кәсіпкері»

Нағима Тиышбекқызы 2013 жылдан бастап аудандағы жеке кәсіпкерлер қатарында көрінуде. Өз қаражаты есебінен 2015 жылы Жосалы кенті орталығынан «Адина» сауда үйін, 2018 және 2022 жылы Қызылорда қаласынан «Адина» киім-кешек сауда дүкенінің филиалдарын ашып, кәсібін өркендетіп келеді. Өткен жылдың қыркүйек айынан бастап Жосалы кентінің орталығындағы көтерме бағада сатылатын «Адина» сауда үйінің жеміс-жидектер дүкені халыққа қызмет көрсетуде. Сонымен қатар, Жосалы кенті орталығынан «Таңсықбай» сауда базарын сатып алып, келер жылы заманауи талаптарға сәйкес, екі қабатты сауда үйінің құрылысын салуды жоспарлап отыр.