Байқоңыр қаласының №8 өрт сөндіру бөлімінің жеке құрамымен кездесу өткізілді
qarmaqshy-tany.kz Бүгін "AMANAT" партиясы Байқоңыр филиалының Атқарушы хатшысы М.Есбенбетов, партия филиалы жанындағы сыбайлас жемқорлыққа қарсы іс-қимыл жөніндегі қоғамдық Кеңесінің төрағасы, аудандық мәслихаттағы "AMANAT" партиясы депутаттық фракциясының мүшесі С.Жұмадьяров Байқоңыр қаласының №8 өрт сөндіру бөлімі қызметкерлерімен кездесті.
Кездесудің мақсаты - жеке құрам арасында сыбайлас жемқорлыққа қарсы мәдениетті қалыптастыру және сыбайлас жемқорлықтың алдын алу және болдырмау.
Жиын барысында мемлекеттік қызметкерлерге сыбайлас жемқорлыққа мүлдем төзбеушілікті қалыптастыру кезінде қызметтік этика нормаларын сақтап, сыбайлас жемқорлыққа қарсы мәдениетті қалыптастыру мәселелеріне басты назар аударылды.
Сонымен қатар, қызметкерлердің сұрақтарына жауап беріліп, ұсыныстары тыңдалды.
