qarmaqshy-tany.kz Қайырымдылық ол көмекті қажет етушілерге білдірілетін сүйіспеншілік пен қол ұшын беру болып табылады. Қайырымдылық жасау үшін асып – тасып бай болу керек емес. Ең бастысы мейірімді жүрегің мен таза ниетің болса жеткілікті.

Осындай мейірімді жүрек пен таза ниетін бойына ата - анасынан мирас етіп алған Қармақшы ауданының Полиция бөлімінің Тергеу, анықтау және криминалистика бөлімшелерінің қызметкерлері бұл жолы да қалыс қалмай қыстың қысылтаян уақытында тілсіз жау электр тоғынан шыққан өрттін салдарынан үйі түгелдей жанып, шеттей бес баласымен далада қалып, туысқандарының үйін паналап отырған Қармақшы ауданы, Қорқыт бекетінің тұрғыны А.Қ.Қаражановтың отбасына 2022 жылдың желтоқсан айының 5-і күні үйіне жылу сыйлау үшін оларға отын және азық-түлік апарып, қуаныш сыйлады.

Есесіне отбасы мүшелері Қармақшы аудандық Полиция бөлімнің тергеу, анықтау және жедел криминалистика құрылымдарының қызметкерлеріне шынайы ризашылықтарын білдіріп, өздерінің алғыстарын айтып жеткізді.

Қармақшы ауданы Полиция бөлімі

Тергеу, Анықтау және Жедел криминалистика құрылымдары