Мемлекет басшысының үстіміздегі жылды «Волонтерлар жылы» деп жариялағаны баршамызға белгілі. Осы ретте елімізде түрлі волонтерлік қызметтердің дамуына тың серпін берілді.

Қармақшы ауданының мемлекеттік қызметкерлері де еріктілер жылында қайырымдылық ізгі істерге өз үлестерін қосып келеді.

Ауылдық округ әкімдері тарапынан елді – мекенде тұратын 44 мүмкіндігі шектеулі азаматтарға (отын,көмір ,азық-түлік,күріш) қайырымдылық жасалған болатын.

Сонымен бірге Қазақстан Республикасы Тәуелсіздігінің 29 жылдығы мен Жаңа жыл мерекелеріне орай аудандағы жергілікті атқарушы органдар тарапынан тұрмысы төмен, жалғыз басты, көп балалы 65 отбасына азық-түлік пен қайырымдылық көмектері берілді.

Қайырымдылық шаралары барысында ауданымыздағы барлығы 109 отбасына қайырымдылық көмектері көрсетілді.