500-інші сайлаушы өз таңдауын жасады
qarmaqshy-tany.kz №95 сайлау учаскесінде 82 жастағы ардагер Мирамкүл Тынымбаева 500-інші болып дауыс берді.
– Жалпы өзім сайлаудан қалмауды дағдыға айналдырғанмын. Бұған дейінгі сайлаулардың бірінен қалған емеспін. Себебі кез келген саяси науқанда әрбір сайлаушының дауысы маңызды деп білемін. Болашағымыз жарқын болсын, ұрпағымыздың өмірі айқын болсын деп дауыс бердім. Жаңа Қазақстанды құру жолында баршамыз атсалысуымыз керек. Халықтың саяси науқанда белсенділігін байқап, бір жағынан қуанып қалдым. Осылай болатын реті де. Себебі мемлекеттің болашағына қай-қайсымыз да бей-жай қарамауға тиіспіз, – дейді сайлаушы.
