qarmaqshy-tany.kz «Суицидтік мінез – құлықтың алдын алу бағытында» денсаулық сағаты

Қармақшы аграрлы-техникалық колледжінде Қызылорда облысы білім басқармасының жоспарына сәйкес жасөспірімдер арасында суицидтің алдын алу, салауатты өмір салтын қалыптастыру мақсатында колледждің І курс студенттеріне денсаулық саласы мамандарының қатысуымен бірлескен «денсаулық сағаты» өткізілді.

Шара барысында аудандық емхананың жалпы практикалық дәрігері Балымбетова Айгерім Болатқызы және Қармақшы аудандық емхана психологы Исаханова Жұлдызай Бақтиярқызы жасөспірімдер арасында суицидтің алдын алу, салауатты өмір салтын қалыптастыру бағытына түсіндірме жұмыстарын жүргізді. Колледж медбикесі Исабекова Гүлшат Қорғанбекқызына және бөлімше мамандарына студенттер тақырыпқа байланысты сұрақтарын қойып, пікір алмасып, өздеріне қажетті мағлұматтарды алды.