Аймақ басшысы Нұрлыбек Машбекұлы Нәлібаевтың облыс жастарын жұмыспен қамту бағытындағы тапсырмасына сәйкес Қызылорда облысының қоғамдық даму басқармасы «Жастар ресурстық орталығы» КММ-і аймақтағы жұмыссыз, NEET санатындағы жастарға және еңбекке құлшынысы жоғары жастарға арналған «Еңбек жасақтары» жобасын жүзеге асырмақ.

Бұл туралы Жастар ресурстық орталығының баспасөз алаңында облыстық «Жастар ресурстық орталығы» КММ-нің директоры Талғат Оспанұлы БАҚ өкілдеріне берген брифингте мәлімдеді.

Аймақта 14 пен 29 жас аралығындағы жастар саны – 176 985 (21,4 %) құрайды. NEET санатындағы жастар 7,9% - ды, жұмыссыз жастар 4,0% - ды құрайды.

«Еңбек жасақтарын» құрудың мақсаты:
1. Мемлекет басышысы Қасым-Жомарт Кемелұлы Тоқаевтың Жолдауынан туындайтын тапсырмасына сәйкес 100 мың жасты жұмысқа орналастыруға үлес қосу;
2.Жұмыссыз және NEET санатындағы жастардың санын төмендету;
3. Жаңа жас кәсіпкерлердің пайда болуына жан-жақты көмек көрсету;
4. Жастардың әлеуметтік жағдайына қолдау көрсету;
5. Ақпараттық сүйемелдеу және әлеуметтендіру, жан-жақты қолдау көрсету.

Іске асыру механизмі:
- NEET санатындағы және жұмыссыз жастардың базасын жасақтау,
- Еңбек жасақтарының ресми жұмыс бастағандығын БАҚ құралдары мен әлеуметтік желілерде жариялау;
- Еңбек етуге ынталы жастарды тіркеу арқылы тізімін әзірлеу;
- Еңбек жасақтарының жұмысын жоспарлап, жергілікті әкімдіктермен нақты жоспар бекіту;
- Еңбек жасақтарына қатысушы жастарды ынтасы мен сұранысына сәйкес түрлі еңбек жасақтарына бөлу;
- Еңбек жасақтарындағы жастарға арналған арнайы оқытулармен және еңбек адамдарымен кездесулер ұйымдастыру;
- Еңбек жасақтарының жылдық қорытынды слеттерін ұйымдастыру, белсенді жастарды марапаттау.

Құрылатын еңбек жасақтарының тізімі.
1. Арал ауданы – Жас балықшылар, фермерлер, дәнекерлеушілер, құрылысшылар, тігіншілер, аспаздар.
2. Қазалы ауданы – Жас теміржолшылар, аспазшылар, балықшылар, құрылысшылар, дәнекерлеушілер, ағаш ұсталары, фермерлер.
3. Қармақшы ауданы – Жас егіншілер, қолөнершілер, өндірісшілер, аспазшылар, дәнекерлеушілер, ағаш ұсталары, фермерлер.
4. Жалағаш ауданы – Жас егіншілер, тігіншілер, фермерлер, дәнекерлеушілер, ағаш ұсталары.
5. Сырдария ауданы – Жас егіншілер, құрылысшылар, тігіншілер, аспазшылар, шаштараздар, фермерлер, ағаш ұсталары.
6. Қызылорда қаласы - Жас құрылысшылар, көркейту жасақтары, аспазшылар, шаштараздар, сәндік бағыттағы жасақ, егіншілер, тігіншілер, қолөнершілер.
7. Жаңақорған ауданы – Жас егіншілер, құрылысшылар, көркейту жасақтары, аспазшылар, шаштараздар, сәндік бағыттағы жасақ, тігіншілер, фермерлер

Күтілетін нәтиже:
1. Қызылорда облысындағы NEET санатындағы жастар санын 5 %-ға төмендету;
2. Қызылорда облысы жастарының «Еңбек жасақтарына» 2022 жылы 1500-ге жуық жасты, ал 2023 жылы 5000-ға жуық жасты тарту;
3. Қызылорда облысындағы жұмыссыз жастар санын 3 %-ға дейін төмендету;
4. Қызылорда облысының жас кәсіпкерлердің санын 2 есеге арттыру;
5. Қызылорда облысындағы жастардың еңбекке тарту арқылы 3000-ға жуық жұмыс орындарын құру.