qarmaqshy-tany.kz Қызылорда облысы, Қармақшы ауданы 16 қараша 2022 жылы балалардың кітап оқу дағдысын қалыптастыру, туындылардың рухани маңыздылығын жеткізу, ана тіліне деген сүйіспеншілігін арттыру, туған жеріне, еліне деген патриоттық сезімін ояту мақсатында Үсен Көлдейұлы Томанов атындағы №183 орта мектебінде «Үздік оқырман отбасы» байқауы ұйымдастырылды.

Байқау бес кезең бойынша өтті.

1. «Кітап және менің отбасым» бейнебаян (3 мин).

2 .«Отбасымыздың сүйікті кітабы» сахналық көрініс (5-7 мин).

3. «Ерте, ерте, ертеде...» ертегі құрастыру (5 мин).

4. «Білімнің - көзі кітапта» сұрақ-жауап кезеңі.

5. «Отбасы шығармашылығы» (поэзия).

Сайыс кезеңдерін бағалайтын әділқазы алқасы тағайындалып, байқауға қатысушыларға жүлделі орындарын берілді.

Байқауға 12 отбасы қатысып, өздерінің өнерлерін көрсетті. Нәтижесінде І орын Тұхиевтер, Алтайбек отбасы.

ІІ орын Бегалиевтер, Сағымбек отбасы. ІІІ орын Өтегенововтер, Қолғанатовтар отбасы иеленді. Ал, Ермахановтар, Қуандықовтар, Смағұловтар, Асқар, Кемелов, Әлиевтер отбасы байқауға белсене қатысқаны үшін Алғыс хатпен марапатталды. Барлық сайысқа қатысушыларға алғыс айтылып, сыйлықтар табысталды.