Ауданымызда «Саңлақ сүлей - Базар жырау» атты өнер сағаты өткізілді

qarmaqshy-tany.kz Қызылорда қаласы, Қармақшы ауданы қараша айының 16 күні «Қармақшы кент» кітапханасының  ұйымдастыруымен аудандағы "Аңсаған" мүмкіндігі шектеулі балалар қоғамдық бірлестігінде Сыр сүлейлерінің көшбасшысы «Базар жырау Оңдасынұлының 180 жылдығына» орай  "Саңлақ сүлей - Базар жырау" атты өнер сағаты өткізілді.

Іс-шараға ауданымыздың К.Рүстембеков атындағы жыраулар үйінің қызметкері және ауданымыздың жырау үйірмесінің жетекшісі Өтегенов Руслан Еркінбекұлы мен шәкірті Асылбекқызы Ағилат қатысып, жыр жырлап, өздерінің өнерлерін қатысушы көрермендерге көрсетті. Қармақшы кент кітапханашысы А.Сайлыбаева «Базар жырау Оңдасынұлының» өмір жолы мен шығармашылығына тоқталып, кеңінен ашық түсіндіріп, әдебиеттермен таныстырды. Қатысушылар арасында «Саңлақ сүлей - Базар жырау» атты өнер сағатына өздерінің ойларын, пікірлерін айтып, бөлісіп, кештің көңілді және жоғары деңгейде өтуіне атсалысты.

Кеш соңында "Аңсаған" мүмкіндігі шектеулі балалар қоғамдық бірлестігінің төрайымы Райымбаева Бақыт апа қатысқан қонақтарға сый-сияпат көрсетіп, өзінің ризашылығы мен алғысын білдірді.