qarmaqshy-tany.kz Кеше аудандық емхана мамандары: нарколог Айгуль Жамитова мен психолог Әмина Кетебаева, ЖДО маманы Мереке Бекова Қармақшы аудандық Қорғаныс істері жөніндегі бөлімнің жеке құрамымен "Нашақорлыққа, ішімдікке құмарлыққа жол жоқ!", "Бәрі АИТВ/ЖИТС туралы" және "Суицидтің алдын алу. Психикалық денсаулық пен психологиялық кеңес" тақырыптарында нұсқаулық-әдістемелік сағатын өткізді. Шарада сала мамандары тақырыпқа сай құнды ақпараттармен бөлісіп, алдын алу шаралары жайлы түсінік берді. АТМдар таратып, тренингтер жасалды. Қорғаныс қызметкерлері тарапынан қойылған сұрақтарға жауаптар беріліп, кері байланыстар орнады. Мекеме басшысы әрбір маман иелеріне өз қызметтерін жауапты түрде абыроймен атқаруына сәттілік тілеп, рахметін айтты.

Әр күніміз сәтті болсын! Ел аман, жұрт тыныш болсын!