Онлайн кездесу
qarmaqshy-tany.kz С.Есқараев атындағы №27 орта мектебінде 11 сынып оқушыларымен Байқоңыр қаласындағы Мәскеу авиация институты, «ВОСХОД» филиалымен кездесуді бағдарлы оқыту жөніндегі орынбасары Г.Әбділдаева өткізді.
Кездесу ұйымдастырудағы мақсатымыз жоғары оқу орны мен мамандықты дұрыс таңдауға бағыт – бағдар беру жұмысын жандандыру. Кездесу онлайн негізде жүргізілді. Мәскеу авиация институты, «ВОСХОД» филиалының қызметкері Жұматаева Жанат Есіркепқызы оқу орнындағы мамандықтарға тоқталды. Қазіргі күні оқу орнында «Ұшақ аппаратын сынақтан өткізу», «Информатика және есептеу техникасы», «Қолданбалы математика», «Менеджмент» мамандықтары бойынша грант бөлінетіне және оқу орнындағы ерекшеліктерге тоқталды. Бюджеттік орындарға түсу үшін тіркеліп, қалай оқуға түсуге болатынын ата – аналар мен оқушыларға кең көлемде түсіндірді.
