qarmaqshy-tany.kz Аудан әкімі Әділбек Ерсұлтановтың төрағалығымен актив отырысы өткізілді.

Күн тәртібіндегі негізгі екі мәселе – Қармақшы ауданы бойынша білім бөлімінің басшысын таныстыру және аумақтық инспекция басшысын жаңа қызметке шығарып салу.

Жиында сөз алған аудан әкімі аудандық білім бөліміне тағайындалған жаңа басшы Гүлзира Мәжитқызын таныстырды.
Абдазиева Гүлзира Мәжитқызы 1971 жылы 9 сәуірде Қызылорда облысында дүниеге келген.
1994 жылы – Қорқыт ата атындағы Қызылорда гуманитарлық университетін «Орыс тілі және әдебиеті», 2005 жылы Қазақ гуманитарлық заң университетін «Заңгер» мамандықтары бойынша бітіріп, білім саласы бойынша тәлімгерлік, пән мұғалімі, мектеп директорының орынбасары және мектеп директорының қызметтерін атқарған.
2021 жылдың 01 қыркүйегінен бастап Қызылорда қаласындағы №7 мектеп-лицейінің директоры лауазымын атқарып келген.

Сонымен қатар аудан әкімі күн тәртібіндегі екінші мәселе бойынша Қармақшы аудандық аумақтық инспекциясының басшысы қызметін атқарып келген Нұрлыбек Аслан Нұрлыбекұлын жаңа қызметке ауысуына байланысты алдағы қызметіне сәттілік тілеп, аудан әкімінің Алғыс хатын табыс етті.