Құттықтаймыз!
qarmaqshy-tany.kz Қармақшы ауданы А.Жанпейісов атындағы №105 мектеп-лицейінің оқушылары Шымкент қаласында өткен республикалық робототехника байқауынан жүлделі 2-орынды иеленді.
Республикалық байқаудың мақсаты- жас талантты дарындарға қолдау көрсету, балалардың бос уақыттарын тиімді пайдалану және интеллектуалды орта қалыптастыру болып табылады.
Атап айтқанда «Робосумо» бағыты бойынша мектеп-лицейдің 11 сынып оқушысы Алтаев Айбол мен 8 сынып оқушысы Слам Мәди 62 команданың ішінен үздік шығып республикалық байқаудан 2-орынмен марапатталды.
Жетекшісі информатика пәнінің мұғалімі Төлеков Нұржан.
Сонымен бірге роботтың сызық бойымен қозғалысы бағыты бойынша 9 сынып оқушысы Жақсылықов Диас пен 5 сынып оқушысы Әбибуллаев Шахмардан 50 команданың ішінен белсенді қатысып, дипломдар мен сыйлықтар табысталды.
Жетекшісі информатика пәнінің мұғалімі Жансейітова Айдана.
