Мұражайға саяхат

qarmaqshy-tany.kz №267 орта мектептің 3 сынып білім алушылары 19 – қазанда «Менің елімнің тарихы» тақырыбы аясында облыстық тарихи өлкетану мұражайына саяхатқа барды.

Мақсаты: оқушыларды тарихи өлкетану мұражайымен таныстыру, оқушының танымдық қабілеттерін арттыру, туған өлке тарихына деген қызығушылығын қолдау және дамыту.

Мұражай - әр елдің тарихын, салт - дәстүрін, мәдениетін танытатын құндылық. Өлкенің тарихын, табиғатын, мәдениеті мен салт-дәстүрін, ауылшаруашылығын және Тәуелсіз Қазақстанның қалыптасу жылдарындағы маңызды оқиғаларын баяндайтын 11 залда 4502 экспонат орын алған.

Мәдени тегімізді танытатын төл мұралар, шашауы шықпай жеткен жауҺарлы жәдігерлер сақталған музейдің жаңарған экспозициясы Алаштың асқақ рухын баяндап, Сыр елінің тарих тағылымын кейінгі жас ұрпаққа таныта беретіні сөзсіз.