qarmaqshy-tany.kz «AMANAT» партиясы Қармақшы аудандық филиалының Атқарушы хатшысы Буханов Дастан Әбдібекұлының төрағалығымен аудандық партия филиалының Саяси кеңесі Бюросының отырысы өтті.

Жиында Дастан Әбдібекұлы Президенттің Жолдауы Қазақстанның одан әрі дамуы мен өркендеуіне, әлеуметтік-экономикалық салаларды нығайтуға, халықтың әл-ауқатын арттыруға және саяси трансформацияны жүзеге асыруға бағытталғанын атап, Мемлекет басшысы бастамашы болған өзгерістер халықтың өміріне оң әсер ететінін атап өтті.

Президентіміздің Жолдауын толық қолдап, ынтымақ пен бірліктің үлгісін көрсете отырып, республикамыздың одан әрі дамуына үлес қосына шақырды.

Бүгінгі отырыс барысында саяси реформаларға, білім беру сапасына, медицинаға, жұмыссыздыққа және басқа да көптеген өзекті мәселелер талқыланды.