qarmaqshy-tany.kz Қармақшы аудандық тарихи-өлкетану музейінің ұйымдастыруымен музей қорындағы суреттер коллекциясынан және ауданымызға танымал өзгеде суретшілердің туындыларынан «Табиғи талант иелерінің өнері» атты көрме өткізілді. Сурет көрмесіне Балалар кітапханасының «Сурет» үйірмесінің оқушылары арнайы шақырылды.

Көрме келушілерінің назарына «Назым сөздің шебері Тұрмағамбет Ізтілеуов» портреті, «Қасиетті өлке», «Жұлдызды аспан аясындағы Қорқыт ата елесі», «Қармақшы ата», «Көл жағасындағы алтын күз», «Сортөбе», «Анаға жол», «Қорқыт ата даласындағы қызыл жар», «Жұлдызды аспан аясындағы Қорқыт ата кесенесі», «Шәмшат Төлепова», «Көл жағасында күй ойнаған Қорқыт ата», «Теңіздегі кеме», «Байқоңыр» атты туындылар ұсынылды.