Бүгін ҚР Президенті Қасым-Жомарт Тоқаевтың Қазақстан халқына арнаған "Әділетті мемлекет. Біртұтас ұлт. Берекелі қоғам" атты Жолдауын түсіндіру мақсатында Байқоңыр қаласының ардагерлерімен кездесу өтті.

Кездесу барысында Қармақшы аудандық мәслихаттағы "AMANAT" партиясы депутаттық фракциясының мүшелері Е.Рзалиев, С.Жұмадьяров және «Жастар Рухы» Жастар қанатының жетекшісі А.Ердаулетов Президент Жолдауындағы 5 бағытқа жеке – жеке тоқталып, Жолдауда қозғалған негізгі бағыттардың Жаңа Қазақстанды құру жолындағы маңыздылығын ерекше атап өтті.

Жалпы, бұл Жолдауда мемлекетіміздің дамуына, халқымыздың әл-ауқатын жақсартуға қатысты ең маңызды мәселелер түгел қамтылып, оны орындауға байланысты нұсқаулар нақты атап көрсетілгендігін сөз етті.

Жиын соңында ардагерлер Президент жолдауында елдің көкейінде жүрген маңызды жайттар қозғалғанын айтып, бастамаларды қолдайтындықтарын жеткізді.