Бүгін ақпараттық-насихаттық топ мүшелері ҚР Президенті Қасым-Жомарт Тоқаевтың Қазақстан халқына арнаған "Әділетті мемлекет. Біртұтас ұлт. Берекелі қоғам" атты Жолдауын түсіндіру мақсатында "Инфракос" мекемесінің жұмысшыларымен кездесті.

Кездесуге "AMANAT" партиясы Байқоңыр филиалының Атқарушы хатшысы М.Есбенбетов, Қармақшы аудандық мәслихаттағы "AMANAT" партиясы депутаттық фракциясының мүшесі С.Жұмадьяров, "Янгель" бастауыш партия ұйымының төрағасы, "Инфракос" мекемесінің бас инженері Б.Кеңесов қатысты.

Кездесу барысында АНТ мүшелері Президент Жолдауындағы басты бағыттарға жеке-жеке тоқталып, Жолдауда қозғалған негізгі бағыттардың Жаңа Қазақстанды құру жолындағы маңыздылығын ерекше атап өтті.

Мекеме жұмысшылары Жолдаудағы айтылған мәселелерге өз ойларын қосып, Жолдауда көтерілген әлеуметтік, саяси, құқықтық реформаларды қолдайтынын жеткізді.