2022 жылдың 1 тамызына облыстан 32,2 млн. долларды құрайтын 60,0 мың тонна ауыл шаруашылығы өнімдері әлемнің 20 мемлекетіне экспортталды.

Барлық экспортталған өнімнің 91,4 пайызын құрайтын облыстың негізгі дақылы - күріш өнімі, Ресей, Беларусь, Қырғызстан, Әзірбайжан, Өзбекстан, Моңғол мемлекеті, Тәжікстан, Түркмения, Украина, Грузия, Литва, Түркия және Ирак мемлекеттеріне экспортталып отыр.

Есепті кезеңге 54,8 мың тонна күріш өнімі жөнелтілді.

Сондай-ақ, облыстан Ресей, Әзербайжан, Польша, Грузия, Венгрия, Литва, Германия, Чехия, Нидерланды және Австрия мемлекеттеріне 2 051,5 тонна балық, Германия, Дания және Нидерланды мемлекеттеріне 1 921,7 тонна қамыс, Ресей, Өзбекстан және Тәжікстанға 1046,8 тонна бидай қалдығы және Ресей мемлекетіне 120,0 тонна қызанақ жөнелтілді.

Ауыл шаруашылығы басқармасы