Түсіндіру жұмыстары жүргізілді

Қармақшы ауданының Полиция бөлімі қызметкерлері Батыс Қытай-Батыс Еуропа тас жолының бойында төрт түлік малдардың иесіз немесе бақташысыз жүру салдарынан жол-көлік оқиғаларын болдырмау мақсатында рейдтік жұмыстарды ұйымдастырды. Рейдтік шарада аудандық әкімдік, ветеринария қызметкерлері, «ҚазАвтожол» АҚ қызметкерлері жұмылдырылып, автокөлік жүргізушілерді жылдамдықты асырмай, сақтық шараларын қабылдауға шақырды.
Сонымен қатар, Батыс Қытай – Батыс Еуропа» халықаралық маңызы бар транзиттік дәлізінің бойында иесіз жайылып жүрген үй жануарларды тас жолдан шығару жұмыстары атқарылды. Ветеринар маман жануарлардың иесін анықтау шараларын атқаруда.
Сонымен қатар, үлкен тас жолдың бойындағы автокөліктерге тоқтауға арналған аялдамалардың тазалығы бойынша ауыр жүк автокөліктерінің жүргізушілерімен түсіндіру жұмыстары жүргізілді.