Қазақстанда әскери өнім экспорты бір жылға тоқтатылды
ҚР премьер-министрі Әлихан Смайылов Қорғаныс өнеркәсібі мәселелері жөніндегі комиссияның отырысын өткізді, деп хабарлайды Stan.kz ақпарат агенттігі.
Қатысушылар индустрия және инфрақұрылымдық даму министрлігінің қару-жарақ, әскери техника және әскери мақсаттағы өнім экспортын 2023 жылдың тамыз айының соңына дейін тоқтата тұру туралы ұсынысын қараған.Комиссия мүшелері бұл ұсынысты қолдады.
Бұдан басқа, лицензиялары бар заңды тұлғаларға тексеру жүргізу және "Рұқсаттар және хабарламалар туралы" заңға өзгерістер енгізу жөніндегі жоспарлар талқыланды.
