«Сотсыз татуласу орталығының қызметін қамтамасыз ету» әлеуметтік жобасы

«Қызылорда облысының қоғамдық даму басқармасы» КММ-нің «Сотсыз татуласу орталығының қызметін қамтамасыз ету» әлеуметтік жобасы аясында «Бітім» медиация орталығы» ҚБ-нің психолог маманы Н.К.Аймаханова мен «Әділдік жолы» РҚБ-нің Қызылорда облыстық филиал басшысы Л.Ш.Бактибаеваның қатысуымен «Еңбек Кодексін» сақтау және келісім-шартта белгіленген талаптарды орындау немесе басшылық тарапынан жасалынған қысымдар мен себепсіз босатуларды болдырмау» тақырыбында Қармақшы ауданының тұрғындары, мемлекеттік қызметкерлер, білім саласының қызметкерлері және мединцина саласының қызметкерлерімен кездесу өткізілді.
Онда мекемелердегі азаматтардың құқықтары мен міндеттері туралы айтылды. Кездесу барысында мекеме қызметкерлері өздерінің азаматтық-құқықтық нормаларымен, оның ережелерімен танысып, кез-келген мәселені Заң аясында шешудің әдіс-тәсілдерінің тиімді жолдарымен танысты.