"Білім алушылардың зияткерлік, рухани - адамгершілік және дене дамуын қамтамасыз ету үшін өлкетану жұмыстарын ұйымдастыру және өткізу" атты тақырыпта жүргізіліп жатқан курсқа қатысушы тыңдаушылар Қармақшы аудандық тарихи - өлкетану музейінде болды. Аудан мектептерінің ұлағатты ұстаздары бас қосқан аталмыш курстың тыңдаушылары музейдің "Өлке тарихы" экспозициялық залын тамашалап, музейдегі әр жәдігердің тарихымен танысты. Өлкетану курсының тыңдаушылары музейдің тыныс - тіршілігін, ата - бабамыздан мұра болып сақталған құнды жәдігерлерін қызықтап, жүргізілген экскурсия бойынша музей құндылықтарымен жекелей танысуға мүмкіндік алды.