Ең маңыздысы – балалардың қауіпсіздігі

«Қызылорда еріктілері» еріктілерінің және «Qyzylorda» телеарнасының өкілдерінің қатысуымен «Арай-2», «Арай-3» мөлтек аудандарындағы көп қабатты тұрғын үйлердің ауласында «Балалар терезеден құламасын!» және «Балалардың қауіпсіздігі» тақырыптарында түсіндірме жұмыстары жүргізілді.

Аталмыш телеарна тілшілеріне іс-шараның маңыздылығы туралы Төтенше жағдайлардың алдын алу бөлімі бастығының міндетін атқарушы Бейбітхан Спанов сұхбат берді.

Түсіндірме жұмысы кезінде «УАЗ» автокөлігінің дауысзорайтқыш аппараты арқылы тұрғындарға құлақтандыру жасалды.

Балаларды қараусыз қалдырмауға, терезе жанына тұрмыстық жиһаздарды қоймауға, басқа да қауіпсіздік шараларын сақтау жөнінде айтылды. Сонымен қатар терезеден балалардың абайсызда құлап кету фактілерін болдырмас үшін тұрғындарға арнайы «Блокиратор» құрылғысын орнату бойынша түсіндірме жасалды.