«Бала еңбегін қанауға болмайды»

Жазғы демалыста оқушылар өз уақытын қалай өткізетіне олардың ата-аналарының ықпалы өте зор. Себебі, ауылдық жерлерде мектеп жасындағы, яғни кәмелетке толмаған балаларды түрлі жұмысқа жегіп қойып жатқанын көріп те, біліп те жүрміз. Бұл ретте ата-аналар балалар еңбегі мен еңбек тәрбиесін шатастырып жатады. Мұнда еңбек тәрбиесі дегеніміз – үйде ата-анаға көмектесу, қоғамдық жұмысқа араласу. Балаларға мұндай еңбектен келетін қауіп жоқ. Керісінше, бұл баланы тәрбиелеудегі, болашақ өмірге бейімдеудегі негізгі құрал болып табылады.

Атап айтқанда, Жосалы кенті орталығындағы Ш.Уәлиханов атындағы 26, С.Есқараев атындағы №27, Ә.Егізбаев атындағы №121, Т.Көмекбаев атындағы №250 мектеп-лицейінің 5-10 сынып оқушылары арасында аудандық білім бөлімінің әдіскері А.Тоқшылықова және АПб-нің ЖПҚб-нің ЮПт-ның қызметкерлерімен Республика көлемінде жарияланып өткізіліп жатқан «Бала еңбегін қанауға қарсы 12 күн» Ұлттық ақпараттық науқаны аясында «Жазғы демалыс уақытында оқушылардың өмір қауіпсіздігі, су, жол, өрт қауіпсіздіктері бойынша сақтандыру мәселелері, бала еңбегін еріксіз пайдалану және құқық бұзушылықтың алдын алу» тақырыбында түсіндірме жұмыстары жүргізілді.

Біздің ортақ мақсат – ел ертеңі болар балаларымыздың балалық шағын қорғау, жарқын болашағына жол ашу.