Парламент мәжілісінің депутаты ауданда

Қазақстан Республикасы Парламенті Мәжілісінің депутаты Мейрамбек Мылтықбайұлы Төлепберген ІІІ Интернационал ауылында іссапармен болды.Іссапар аясында Мәжіліс депутаты М.Төлепберген ІІІ Интернационал ауылының тұрғындарымен кездесті. Кездесуді аудан әкімінің орынбасары Ж.Ерқосаев ашып, жүргізіп отырды. Әрі қарай мәжіліс депутаты этносаралық қатынастардың өзекті мәселелері бойынша түсіндірме жүргізді.
Кездесуге қатысқан жергілікті тұрғындар ауылдағы өзекті мәселелер бойынша сұрақтарын қойып, тұщымды жауаптарын алды.
Сондай-ақ, іссапар аясында мәжіліс депутаты Социалистік еңбек ері Цай Ден Хак атындағы мұражаймен және «Достық жер МК» ЖШС-ның қырман жұмысымен танысты.