Pfizer компаниясы вакцинаның төртінші дозасын енгізу қажет екенін мәлімдеді
Pfizer компаниясының атқарушы директоры Альберт Бурла коронавирусқа қарсы вакцинаның төртінші дозасын енгізу қажеттігі туралы мәлімдеді, деп хабарлайды Daily Mail басылымы.
Оның сөзінше, ол вирустың жаңа нұсқасы пайда болғанға дейін бірнеше апта бұрын бустерлік доза жайлы айтқан.
Препараттың үш дозасы осы қыста адамдар үшін жақсы қорғаныш бола алады. Дегенмен ғалымдар иммунитеттің қашан әлсірейтінін нақты айта алмайтынын да қосып өтті.
"Менің ойымша, бізге төртінші доза қажет. Бұл туралы бірнеше рет айттым. Бұрынғы нұсқаларға келетін болсақ, мен мұны үшінші дозадан кейін, 12 айдан соң пайда болады деп топшылағанмын. "Омикронмен" жағдай бөлек. Ақпарат аз болғандықтан күте тұруымыз керек. Төртінші доза бізге жақын арада керек болып қалуы да мүмкін", - деп мәлімдеді Бурла.
Pfizer бұған дейін вакцинаның екі дозасы омикронға қарсы тұра алмағанымен, "ауыр жағдайлардың" алдын ала алатынын хабарлаған. Тәуелсіз сарапшылар өзге вакциналармен де солай болады деп болжады.
