Қазақстандық спортшылар UFC жұлдызымен бірге жаттығып жатыр
Қазақстандық ММА спортшылары Жалғас Жұмағұлов пен Сергей Морозов алда болатын жекпе-жектеріне дайындалуда. Олар АҚШ-тағы танымал спорт залдарының бірінде және UFC жеңіл салмақтағы жұлдызы Дастин Порьемен бірге жаттығып жатыр, деп хабарлайды sports.kz сайты.
Файтерлер жекпе-жекке дайындықты АҚШ-тағы танымал залдардың бірі American Top Team- бастаған. Майамидегі спорт залы аралас жекпе-жек жұлдыздарының жиі жаттығатын орыны болып табылады. Қазір қазақстандық спортшылар UFC жеңіл дивизионының жұлдызы Дастин Порьемен бірге дайындалуда. Олардың бірге түскен суретімен Сергей Instagram парақшасында бөлісті.
Дастин Порье соңғы кездесуінде ирландиялық Конор Макгрегорды жеңген болатын.
Еске салайық, Жұмағұлов анголалық Манел Капеге қарсы жекпе-жегін 4 желтоқсан Лас-Вегаста өткізеді. Ал Морозов 13 желтоқсанда бразилиялық Дуглас Силва де Андрадеге қарсы кездесу өткізеді.
