Онлайн қызмет салымшылардың уақытын үнемдеу және оларға ыңғайлы болу үшін іске қосылды.
Енді шотында кемінде бес жыл жатқан ерікті зейнетақы жарнасы бар қазақстандықтар БЖЗҚ корпоративтік сайтындағы жеке кабинет арқылы зейнетақы төлемін тағайындау туралы өтініш бере алады.
Төлем міндетті зейнетақы жарнасы және (немесе) міндетті кәсіптік зейнетақы жарнасы есебінен: мерзімсіз 1 немесе 2 топтағы мүгедектігі бар тұлғаларға беріледі.
Ал ерікті зейнетақы жарнасы – 50 жасқа толған адамдарға, мүгедектігі бар тұлғаларға, БЖЗҚ-да ерікті зейнетақы жарнасы мен оларға есептелген инвестициялық кіріс сомасы шегінде кемінде 5 жыл зейнетақы жинағы бар адамдарға беріледі. 
Өтініш беру үшін салымшының электронды цифрлық қолтаңбасы болуы керек.
enpf.kz сайтындағы "Электронды қызметтер" бөліміндегі "Менің төлемдер / аударымдар бойынша өтініштерім" қызметін пайдалана отырып, өтініштің орындалу статусын бақылауға болады.
2021 жылдың 1 тамызындағы жағдай бойынша 2,8 мыңға жуық салымшы БЖЗҚ кеңселеріне барып өтініш беру арқылы ЕЗЖ есебінен зейнетақы төлемін алу құқығын пайдаланды.
Айта кетсек, 2021 жылдың 1 мамырынан ерікті зейнетақы жарналарын есепке алу үшін шоттар автоматты түрде ашылады. Жеке зейнетақы шоттарын ашуға БЖЗҚ-ға түскен алғашқы ерікті зейнетақы жарнасы негіз болады. Яғни салымшыға кеңсеге барудың қажеті жоқ.