Баршаңызды 9 шілде - Су шаруашылығы саласы қызметкерлерінің кәсіби мерекесімен шын жүректен құттықтаймын!

Бүгінде ауданымызда негізгі экономикалық басымдылық берілген сала ауыл шаруашылығы өндірісі болғандықтан, су шаруашылығы саласы маңызды рөл атқарады.

Ауыл шаруашылығы суармалы суға тікелей байланысты екені белгілі, осы ретте су тапшылығының алдын алу үшін өңірімізде бірқатар жұмыстар жүргізілуде.

Күнделікті өмірде «Су тіршілік көзі» деп айтатын болсақ, тұрғындарды ауыз сумен қамту, егістік жерлерді сумен қамтамасыз етуде осы аталған жұмыстардың барлығы су шаруашылығы қызметкерлеріне жүктелген.

Бұл шаруаларды тыңғылықты етудегі су шаруашылығы қызметкерлерінің үлесі зор, олар тәжірибелі, өз ісіне шын берілген мамандар деп есептейміз.

Өздеріңіздің шеберліктеріңіз бен біліктіліктеріңізді ұштастырып, қызметтік міндеттеріңізді жауапкершілікпен атқарып, су шаруашылығы саласының дамуына қосқан үлестеріңіз үшін ризашылығымды білдіремін.

Алдағы уақытта да тәжірибелеріңізді ел игілігіне арнап, абырой биігінен көріне беретіндеріңізге сенімдеміз.

Бүгінгі кәсіби мерекеде Өздеріңізге мықты денсаулық, еңбектеріңізге зор табыс, отбасыларыңызға амандық, бақ - береке тілеймін!