Құрметті ауыл тұрғындары мен қонақтары!
Алаяқтықтың жаңа түрі пайда болды. Жәбірленушіге жалған банк қызметкерлері хабарласып, оның банк картасы арқылы күмәнді операция анықталғанын айтады. Заңсыздықтың алдын алу үшін клиенттен ЖСН, ақша аудару үшін банк картасына байлаған телефон номерін, банк картасы мен ағымдағы шоттың немесе жинақтау шотының номерін сұрайды. Жәбірленушіден қажетті мәліметтерді алып алған соң, заңсыз ақша аударымын бұғаттаймыз деген уәжбен СМС хабарламаны талап етеді. Осы талап орындалса, алаяқтар интернет-банкингтегі телефон номерін өзгертіп, клиенттің шотындағы барлық қаражатты қолды қылады.
Бұл ретте, аталған деректер орын алған жағдайда сол мезетте өзіңізге жасалып жатқан ұсыныстардың растығына көз жеткізу үшін «Халық банк 7111», «Касип банк 9999», «Еуразиялық банк 7722», «Жусан банк 7711», «Форте банк 505», «Нұр-банк 2552», банктерінің сенім телефондарына хабарласу қажет екендігін ескертеміз.