Отбасылық эстафета өткізілді

Қармақшы аудандық жастар ресурстық орталығы мен Қармақшы ауданының оқушылар үйінің ұйымдастыруымен «Жұмыла көтерген жүк жеңіл» атты отбасылық эстафета өткізілді. Эстафетаға төрт отбасы қатысты. Командалар эстафеталық таяқша, аралас эстафета, пингвин, шеңбермен жүгіру және арба атты номинациялар бойынша бақ сынады. Тартысқа толы өткен эстафета қызықты әрі көтерінкі көңіл күйде өрбіді.

Жеңімпаздар дипломдар мен бағалы сыйлықтармен марапатталды. Алдағы уақытта да жас отбасыларды қолдау және насихаттау мақсатында жаспардағы іс-шаралар жүзеге асырылатын болады.