Тәуелсіздікке тарту
К.Рүстембеков атындағы жыраулар үйі мен Қ.Бүрлібаев атындағы ауылдық клуб үйінің ұйымдастыруымен Қазақстан Республикасы Тәуелсіздігінің 30 жылдығына орай Тұрмағамбет ауылында «Тәуелсіздікке тарту» атты Тұрмағамбет ауылы ақындарының поэзиялық жыр кеші өткізілді.
Поэзиялық кештің мақсаты: Ауыл жастарының бойына жігер мен жалын ұялатып, ұлтқа деген ұлы сезімін оятып, азаттықты анасындай қадірлеуге шақыру.Атаулы шараға Шайырлар мен Сүлейлердің сара жолын өшірмей жалғап келе жатқан, халыққа өлеңімен өнеге көрсетіп, жұртты жырымен рухтандырып жүрген Зарипа Тасымова апайымыз және соңынан ерген шәкірттері Сырым мен Бекқанат секілді хас ақын мен жас ақындар қатысты.
