ХҚКО қызметкерлері құжатты үйге жеткізіп береді
Халыққа қызмет көрсету орталықтарының қызметкерлері қазақстандықтарға құжаттарын үйіне апарып береді. Бұл туралы цифрлық даму, инновациялар және аэроғарыш өнеркәсібі министрі Бағдат Мусин мәлім етті, деп хабарлайды Stan.kz ақпарат агенттігі.
"Халыққа ыңғайлы басқа шешімдерді де енгізіп жатырмыз. Мысалы, ХҚКО қызметкерлері дайын құжаттарды жеткізіп береді", - деді Бағдат Мусин.
Сонымен қатар, оның сөзінше, ХҚКО-ның операторын банктердегі жеке менеджерлер сияқтыкеңсеге шақыру арқылы қызмет көрсету тетігін іске қосу жоспарланған.
