Сыбайлас жемқорлық – қоғам дерті

Қазақта қанға сіңген жақсы қасиет бар. Ол – адалдық, ар мен намыс. Өкінішке орай, «Алтын көрсе періште жолдан таяды» дегендей, қазіргі қоғамда жемқорлар мен парақорлар азаймай отыр. Бұл кеселмен күрес те толастаған емес. Мемлекет басшысы Қасым-Жомарт Тоқаев 2020 жылдың 1 қыркүйегіндегі Қазақстан халқына Жолдауында сыбайлас жемқорлықпен күресу мәселесіне ерекше тоқталды.

Бұл ретте, орталық және жергілікті органдардың нормативтік құқықтық актілеріне сыбайлас жемқорлыққа қарсы сараптама жүргізу ісін қайта қалпына келтіру қажеттігін, оған сарапшылар мен қоғам өкілдері де атсалысуы тиістігін және Сыбайлас жемқорлыққа қатысты қылмыс жасалған мекеменің бірінші басшысының жауапкершілігін заңнамалық және нормативтік тұрғыдан нақты белгілеу керектігін атап өтті.

Қабылданған осындай шарадағы мақсаттар мен міндеттерді іске асыруда одан әрі аянбай еңбек етіп, жемқорлықтың алдын алу шараларын белсенді жүргізе беру керекпіз.