1 тамызға арналған ауа райы болжамы

1 тамыз, сенбі күні елімізде күн райы ашық болады, деп хабарлайды "Қазгидромет" РМК.

Қазақстан аумағының басым бөлігі антициклон ықпалында болғандықтан күн ашық болады. Тек еліміздің оңтүстігі және батысында күн күркіреп, жауын-шашын түседі. Оңтүстік-шығыста және батыста бұршақ жаууы ықтимал.Республиканың кей жерінде жел күшейіп, батыста және солтүстік-батыста шаңды дауыл соғады. Солтүстік-шығыста түнде тұман түседі.

Түркістан, Қызылорда облыстарының кей жерінде найзағай жарқылдап, дауыл болады, жел екпіні - 15-20 м/с.

Атырау, Қызылорда облыстары, Ақтөбе, Түркістан, Алматы облыстарының басым бөлігінде, Батыс Қазақстан, Жамбыл, Қарағанды облыстарының кей жерінде төтенше өрт қаупі сақталады.