Ғалымдар коронавирустың қанша уақытқа жалғасатынын айтты
Оңтүстік Кореяда Билл Гейтс қорының демеуімен вирусты бастапқы кезеңде анықтап, жоя алатын жүйені дамыту қолға алынды, – деп хабарлайды BAQ.KZ
Онлайн режимде өткен конференцияға Корея, АҚШ, Ұлыбритания және Германия ғалымдары қатысты. Корея университетінің профессоры Ким Ву Джу жұқпалы ауруларды ертерек анықтауға мүмкіндік беретін жүйені жасау үшін жұмыс істеп жатқанын айтты. Ол пандемия тағы 2 жыл жалғасады деп болжайды.
Себебі, адамдар коронавирустан алдын алудың негізгі ережелерін сақтамайды. Ал егер "Бір денсаулық" қағидасы сақталса, вирус болмайды, – дейді Ким Ву Джу.SARS вирусы Қытайдың оңтүстігінде жабайы мысықтарды тұтынған кезде пайда болды. Батыс Африкада жарқанат ұсталған кезде Эбола вирусы анықталды. Қазіргі коронавирус Уханьдағы жабайы табиғат базарындағы жарқанаттан басталды. Адамзат жабайы жануарларды пайдалану арқылы "Пандора жәшігін" ашты, – дейді Джу.
Сонымен қатар, профессор адамдардың джунгли мен орманды жойып, жабайы жануарларды жеп, жаңа ауруларды тудырғанын атап өтті.Оның пікірінше, аурулар таралуын болдырмау үшін "Бір денсаулық" қағидасын сақтау қажет. Яғни, адамзат, табиғат пен жануарлар бірге үйлесімді өмір сүру керек деген сөз.
