Арал маңының экологиялық ахуалын зерттеуге заманауи технологиялар қолданылады.
Мəселен, Қызылорда мемлекеттік университетінің ғалымдары жердің жай-күйін бағалауда ғарыштық мониторинг жүргізудің жаңа әдісін меңгеріп жатыр. Бұл əдістеме арнайы əзірленген геопортал негізінде жүзеге асады. Ол Арал-Сырдария мен Іле-Балқаш аймақтарының шөлейттенуі мен тозуына қатысты құнды ақпаратты көрсетеді. Ғалымдар Қазақстан экожүйелерінің жағдайын зерттеудің ғарыштық әдістерін пайдаланып қана қоймай, ғылыми зерттеулерінің нәтижелерімен геопортал арқылы бөлісе алады. Бұл əдіс өзге салалар үшін де пайдалы.
Ләйлә Жүсіпова, техника ғылымдарының кандидаты:
– Ғарыштық мониторинг жүргізу барасында біз ғылыми зерттеу институттарының мәліметтеріне сүйене отырып жасайтынбыз. Қазіргі таңда бізге қолжетімді болды. Яғни геопорталын пайдалана отырып, біздің университеттің ғалымдары оқу үдерісінде IT технологияны кеңінен қолданып, ғарыштық мониторинг жүргізу әдістемесін іске асыруға мүмкіндік алды. Ғылыми зерттеулерінде толыққанды жүзеге асыруға болады.