ҚР экология, геология және табиғи ресурстар вице-министрі Ахметжан Пірімқұлов ведомствоның алқа мәжілісінде бірінші жартыжылдықта Экологиялық кодекстің жаңа редакциясы талқыланғанын, қыркүйек айынан бастап бұл жұмыс жалғастырылатынын айтты.

Оның айтуынша, кодекс көпшілік және үлкен бизнес үшін үлкен қызығушылық тудырған, ол оны талқылауға белсенді қатысып келе жатыр.

"Ең өткір экологиялық мәселелердің бірі атмосфералық ауаның сапасы болып қала береді. Бүгінгі таңда Шығыс Қазақстан, Жамбыл, Павлодар және Қарағанды облыстарында шығарындылардың өсуі байқалады. Экологиялық мониторинг нәтижелері бойынша Ақтөбе, Атырау, Нұр-Сұлтан, Алматы, Шымкент, Өскемен, Қарағанды, Теміртау, Балқаш, Жезқазған қалалары ауа ластануының жоғары деңгейімен сипатталады", - деді Ахметжан Пірімқұлов.